Mfano wa Shughuli jumlishi: Jinsia

Katika jamii yako, kuna watoto wawili mayatima. Kati ya watoto hawa, mmoja ni mvulana na mwingine ni msichana. Walezi wao wanapanga kuuza mali ya mayatima hawa. Walezi hawa wameshamwambia msichana kwamba wamemtafutia mwanamume wa kumwoa na kwa hivyo asirudi shuleni. Mvulana pia wanataka kumtoa shuleni ili wamwajiri kama mfanyakazi katika shamba lao la nyumbani. Watoto hao ni rafiki zako kwa sababu mlisoma pamoja katika shule ya msingi.

Wewe kama mtetezi wa haki za binadamu, andaa onyo kwa wanajamii wote kuhusu ukiukaji wa haki za kijinsia huku ukiwalenga walezi wa rafiki zako.