Mfano wa Shughuli jumlishi:Magonjwa

Habari kutoka wilaya jirani zimesikika kwamba kumepatikana aina nyingine ya kirusi cha korona ambacho kinahofiwa kuwa hatari zaidi. Aidha, wiki iliyopita kuna mwanafunzi mmoja aliyehofiwa kuwa aliugua ugonjwa wa kipindupindu shuleni kwenu.

Tangu wakati huo, mwanafunzi huyo alipelekwa hospitalini. Wanafunzi wengi shuleni wameanza kujawa na hofu kuhusu magonjwa hayo ya kuambukizwa. Umechaguliwa na walimu kuwa miongoni mwa wale watakaozungumza na wanafunzi kuhusu jinsi wanavyoweza kuepukana na magonjwa ya hatari kama hayo na mengine ya kuambukiza kama vile UKIMWI.

Andika hotuba utakayotoa kwa wanafunzi watakapokusanyika katika ukumbi mkuu wa shule.